Тэнгэрээр гүйгчид гэв үү?

Чөлөөт нислэг хийх их л амархан гэдэг ойлголт байдаг. Яаж ийж (паацагнан гүйж) байгаад уулын оройгоос тасарчихаж болно. Харин хол зайд зөв нисч сурна гэдэг хэдэн ч жил үргэлжилж болох үйл явц юм. Сургамж болох зүйл маш олон байна, аль нэгийг нь буруу хийхэд л нүд ирмэхийн зуур “оргилоос ёроолд” унах аюултай. Flybubble багийн нисэгч Dickon Walker “Надад хүмүүс өмнө нь хэлсэн ч болоосой” гэсэн сургамжуудаа энэхүү өгүүллээр хуваалцсаныг та бүхэнд хүргэж байна.

Хэрэв та нисгэгч бөгөөд олон нийтийн сүлжээ ашигладаг бол 8-р сарын эхээр интернетээр тарсан акро нисгэгч Кевин Филиппийн "Үхэх цаг байхгүй" видео бичлэгийг үзсэн байх. Хэрэв та үзээгүй бол тэр бичлэгт Кевин маневр хийх үедээ жолоодлогоо буруу тооцоолсноос далавчтайгаа орооцолдож байгааг харуулдаг. Ойролцоогоор нэг минут үргэлжлэх видео бичлэгийн туршид зүрх зогсоох шахсан хэд хэдэн үйл явдлыг харуулдаг. Эхний 40 секундын дотор хоёр нөөц шүхрээ шидэх зуур 300 метр (1,000 фут) гаруй унахыг нь бид амьсгаа даран харна. Нууц задлахад: хоёр дахь нөөц шүхэр нээгдэж, Кевин саадгүй газардана.