Ч. Батсайхан

Параглайдингийн нисэгч, Үндэсний аврах бригадад аврагч шүхэрчинээр ажилладаг.
Ulaanbaatar cup 2019 шилжин явах цомын тэмцээнээс хүрэл медаль авсан.

Д. Батцэнгэл

2015 онд параглайдингийн спортоор хичээллэсэн.
Super battle 2019 цуврал тэмцээнээс хүрэл медаль хүртсэн.
2018 онд Азийн наадамд параглайдингийн цэгэн буултын төрлөөр амжилттай оролцсон.

Т.Чулуунбат

2017 оноос параглайдингийн спортоор хичээллэсэн.
2018 онд Тайландад болсон Ази-Далайн орнуудын Параглайдингийн цэгэн буултын аварга шалгаруулах анхдугаар тэмцээн, Казахстанд Цэгэн буултын дэлхийн цомын тэмцээнд оролцсон. мөн 2018 онд Индонезид болсон Азийн наадамд цэгэн буулт болон холын зайн нислэг гэсэн 2 төрлөөр тус тус амжилттай оролцоод байна.
2019 онд эмэгтэйчүүдийн ангилалд Super battle тэмцээнд 2-р байр, Улаанбаатар хотын аварга шалгаруулах тэмцээнд 1-р байранд тус тус шалгарч байсан.

Бямба-Очир

2016 онд параглайдингийн спортоор хичээллэсэн.
2018, 2019 онд Казакстанд болсон Дэлхийн цомын аварга шалгаруулах тэмцээнд тус тус амжилттай оролцсон.

Б. Ганзориг

Шүхрийн спортоор 1996 оноос хойш хичээллэж байна. Үндэсний аврах бригадын аврагч шүхэрчин. Шүхрийн спортын дэд мастер, 685 буулттай. Параглайдер, парамотороор 2008 оноос хойш хичээллэж байна.

Б.Долгормаа

2011 онд Улаанбаатар хотод оюутан болж ирээд хүүхэд байхын нисэгч болох, шүхрээр буух мөрөөдлөө биелүүлэхээр нисэх спорт, шүхрийн спортын талаар хайж судалж байсан. Гэвч 084-р ангийн цэргийн ангийн шүхрийн буултаас өөр мэдээлэл тэр үед байгаагүй юм.
2013 онд нисэгч Шижирээгийн “Агаарын спортын блог”-ийг үзээд түүнтэй холбогдон параглайдинг спортод анх хөл тавьж байсан. Шижирээ маань Америкт суралцаж байх үедээ параглайдинг болон скайдайвингийн сургалтанд суугаад Монголдоо дөнгөж ирээд байсан үе л дээ.
2013 оноос хойш ийнхүү найзуудын хамт параглайдингийн спортыг Монголд дахин сэргээн хөгжүүлж, таниулан сурталчилах кампанит ажлуудыг зохион байгуулсны үр дүнд өнөөдөр агаарын чөлөөт нислэгийн параглайдинг спортыг мэдэхгүй хүн цөөхөн болжээ. Түүнчлэн шинээр олон нисэгчид, тамирчид төрөн гарч спортын чиглэлээрээ хөгжиж байна.

Миний бодож явдаг хүсэл зорилго бол параглайдинг спортыг анхнаас нь зөв суурьтай, эмх цэгцтэй хөгжүүлж, ирээдүйд урт удаан хугацаанд амжилттай оршин тогтнох нэгдсэн системтэй хүчирхэг спортын холбоо болгохыг хичээдэг. Цаашид удирдан авч явах, илүү ихийг хийж бүтээх манлайлагч спортлог залуусыг төрүүлэн гаргаж, шударга ил тод нээлттэй, гишүүддээ хүртээмжтэй, тэдний эрх ашгийн төлөө гэсэн сэтгэлтэй, эерэг, зөв хандлагатай спортын байгууллага байх ёстой юм. Спортын бүхий л түвшинд багийн сэтгэлгээ, хамтын хүч байж, бие биенээ дэмжин, хамтдаа хөгжсөөр богино хугацаанд амжилт гаргах бололцоогоо улам нэмэгдүүлнэ гэж боддог.

Мөн 2014 онд 1100 метрийн өндрөөс шүхрээр бууж байсан. Юутай ч өөрийн хүсэл мөрөөдлөө тодорхой хэмжээнд биелүүлэн спортоо хөгжүүлж байгаадаа баяртай байдаг. Нисэх спорт болон шүхрийн спорт үнэхээр гайхалтай. Миний амьдралын чухал мөчүүд нэгээхэн цаг үе энэ спорттой холбоотой байдаг учраас энэ спортдоо их хайртай.

Б. Энхтайван

Д.Оюумаа

"Би 2010 онд параглайдингаар хичээллэж эхэлсэн. Анх сургуулийнхаа хичээлээс гадуурх курсуудыг сонирхож байгаад параглайдерын курс байдгийг мэдээд шууд бүртгүүлсэн. Мэдээж шууд л нисгэнэ гэж байхгүй, эхлээд 2 өдрийн танхимын сургалтанд сууж шалгалт өгөн тэнцээд дараа нь газрын бэлтгэл бараг 2 сарын турш хийсэн. Амралтын өдрөөр өглөө 6 цагт бэлтгэлдээ яваад орой 8 гэж ирдэг байлаа. Миний хувьд жин багатай учир далавчаа татаад гүйх гэж их хүч гаргадаг, заримдаа далавчиндаа дийлдээд арагш унах ч үе байдаг байсан. Ер нь бол амархан спорт биш л дээ. Гэхдээ анх удаа газраас хөндийрсөн үеэ хэзээ ч мартдаггүй юм. Ингээд л нисчихдэг хэрэг үү л гэж бодсон. Үнэхээр сайхан мэдрэмж шүү, мөрөөдөл биелэх шиг л болсон. Тэр мэдрэмжийг авсан болохоор дахиж газрын бэлтгэл хийж, хүчээ шавхана гэдэг бол дуртай ажлын нэг болсон доо. Монголдоо ирээд энэ спорт манайд бас хөгжиж, хүмүүс хичээллэж байгааг мэдээд маш их баярласан. Сүүлийн 2 жилийн хугацаанд би параглайдингийн цэг онож буух төрлөөр дагнан хичээллэж байгаа".

Анхны шагналаа 2019 оны 11-р сард “Super battle” Open Paragliding Game тэмцээний эмэгтэйчүүдийн төрөлд хүрэл медаль авч байсан. Мөн “Улаанбаатар хотын аварга шалгаруулах тэмцээн 2019”-д эмэгтэйчүүдийн төрөлд мөнгөн медаль хүртсэн. Олон улсын тэмцээнд бол энэ жил Турк улсад зохиогдсон “Параглайдингийн дэлхийн цомын тэмцээн”, Казакстан улсад зохиогдсон “Параглайдингийн дэлхийн цомын тэмцээн”, “Кабанбай Батырын нэрэмжит тэмцээн”-д тус тус амжилттай оролцоод ирсэн.
Мөн 2019 оны 6 сард Казакстан улсад зохиогдсон “Азийн аварга шалгаруулах тест тэмцээн”-ий үеэр шүүгчийн сургалтанд хамрагдаж, параглайдингийн цэг онож буух төрлөөр олон улсын шүүгч хийх эрхтэй 2 монгол хүний нэг болсон.

Л. Будсүрэн

1996 оноос хойш параглайдер, парамотороор нисч байна.
Аврагч шүхэрчин.
Гаргасан амжилт:
Параглайдингийн хотын аваргын тэмцээн 2014 - Дэд байр
Параглайдинг Улсын аваргын тэмцээн 2015 – Тэргүүн байр
Параглайдинг Улсын аваргын тэмцээн 2017 - Тэргүүн байр
Улаанбаатар хотын аварга шалгаруулах тэмцээн 2019 - Дэд байр
Олон улсын тэмцээнд оролцон байдал:
- 1st FAI Asian-Oceanic Paragliding Accuracy 2018
- Paragliding World Cup Kazakhsan 2018

Ч. Туул

Х. Ариунбат

2005 оноос хойш хичээллэж байна.
Гаргасан амжилт:
Параглайдинг Улсын аваргын тэмцээн 2014 - Тэргүүн байр
Параглайдинг Улсын аваргын тэмцээн 2015 - Дэд байр
Tipco 2017 Малайз - Гутгаар байр
Параглайдинг Улсын аварга 2018 - Дэд байр
Super Battle 2018- Гутгаар байр
Олон улсын тэмцээнд оролцон байдал:
- Tipco 2017 Malaysia
- 1st FAI Asian-Oceanic Paragliding Accuracy
- Paragliding World Cup Kazakhsan 2018
- Asian games 2018
- Paragliding accuracy world cup Korea 2019

Doug Gilchrist