Хэзээ хаана нисэх вэ?

Дээрх нисэгчийн түвшинд гаргаж буй зөвлөмжүүд нь нисэгчдийн туршлага үнэлгээнд үндэслэн гаргав. МХПН нь өгсөн зөвлөгөөг дагаж мөрдөхөд учирч болзошгүй эрсдлийг хариуцахгүй болно. Хэрэв та урьд өмнө нь нисч байгаагүй шинэ газар нисэх гэж байгаа бол урьдчилан орон нутгийн иргэд, туршлагатай нисэгч нараас тухайн газрын онцлог, орчин, салхи, цаг уурын мэдээлэл зөвлөгөө аваарай.

Нислэгийн газрын зураг

Цаг агаар

Монгол орны газар нутаг гадаад далай тэнгисээс ихээхэн алслагдсан, Евразийн эх газрын төвд тал бүрээсээ өндөр уул нуруугаар хүрээлэгдсэн, далайн түвшнээс дунджаар километр хагас илүү өндөр өргөгдсөн зэргээс шалтгаалан эх газрын эрс тэс, хатуу ширүүн уур амьсгалтай. Монгол орны уур амьсгалын гол онцлог бол жилийн дөрвөн улирлын ялгаа ихтэй, энэ чанараараа агаарын температурын хэлбэлзэл өндөр, хур тунадас бага, уур амьсгалд өргөрөгийн болон өндрийн бүслүүрийн ялгаа тодорхой илэрдэг явдал юм. Монголд богино (VI сараас VIII сарын дунд хүртэл үргэлжлэх), хуурай зун, ихээхэн хүйтэн, урт (XI сараас IV сар хүртэл үргэлжлэх) өвөлтэй, хавар намрын улирлын үргэлжлэх хугацаа жилээс жилд өргөн хүрээнд хэлбэлздэг онцлогтой.

Нислэг аялал

Монголын үзэсгэлэнт байгалиар аялан нислэг хийх нь гайхалтай мэдрэмж, адал явдлыг танд мэдрүүлэх болно. Монгол оронд хавраас бусад улиралд нислэг хийхэд тохиромжтой бөгөөд аялал-нислэг хийхэд хамгийн тохиромжтой улирал нь зун юм.Мөн өвөл салхи багатай тогтуун байдаг учраас цэвэр агаарт гарч амрангаа нислэг хийдэг.